நீங்கள் தேடியது "பாகிஸ்தான் நியூசிலாந்து கிரிக்கெட்"

பாகிஸ்தான் - நியூசிலாந்து இடையிலான 3-வது மற்றும் கடைசி டெஸ்ட் அபு தாபியில் நடைபெற்று வந்தது. நியூசிலாந்து முதல் இன்னிங்சில் 274 ரன்கள் சேர்த்தது. பின்னர் முதல் இன்னிங்சை தொடங்கிய பாகிஸ்தான் அசார் அலி (134), ஆசாத் ஷபிக் (104) ஆகியோரின் சதத்தால் 348 ரன்கள் குவித்தது.

74 ரன்கள் பின்தங்கிய நிலையில் நியூசிலாந்து 2-வது இன்னிங்சை தொடங்கியது. கேன் வில்லியம்சன் (139), நிக்கோல்ஸ் (126 அவுட் இல்லை) ஆகியோரின் அபாரமான ஆட்டத்தால் 7 விக்கெட் இழப்பிற்கு 353 ரன்கள் குவித்து 2-வது இன்னிங்சை டிக்ளேர் செய்தது.

நியூசிலாந்து 279 ரன்கள் முன்னிலைப் பெற்றது. இதனால் பாகிஸ்தான் வெற்றிக்கு 280 ரன்கள் வெற்றி இலக்காக நிர்ணயித்தது. இன்றைய கடைசி நாளில் 81 ஓவர்கள் மீதம் இருந்தது.

இமாம்-உல்-ஹக், முகமது ஹபீஸ் ஆகியோர் தொடக்க வீரர்களாக களம் இறங்கினார்கள். ஹபீஸ் 8 ரன்னிலும், இமாம்-உல்-ஹக் 22 ரன்னிலும் ஆட்டமிழந்தனர். அதன்பின் வந்த அசார் அலி (5), ஹரிஸ் சோகைல் (9), ஆசாத் ஷபிக் (0) ஆகியோர் சொற்ப ரன்களில் வெளியேறினார்கள்.

இதனால் பாகிஸ்தான் 55 ரன்கள் எடுப்பதற்குள் ஐந்து விக்கெட்டுக்களை இழந்து திணறியது. அடுத்து வந்த பாபர் ஆசம் மட்டும் ஓரளவு தாக்குப்பிடித்து விளையாடினார். மற்ற வீரர்களான சர்பிராஸ் அகமது (28), பிலால் ஆசிப் (12), யாசிர் ஷா (4) அடுத்தடுத்து ஆட்டமிழந்தனர்.


ஹபீஸ் க்ளீன் போல்டாகிய காட்சி

அரைசதம் அடித்த பாபர் ஆசம் 51 ரன்கள் எடுத்து ஆட்டமிழக்க பாகிஸ்தான் 56.1 ஓவரில் 156 ரன்கள் எடுத்து ஆல்அவுட் ஆனது. இதனால் நியூசிலாந்து 123 ரன்கள் வித்தியாசத்தில் வெற்றி பெற்றது. இந்த வெற்றியின் மூலம் மூன்று போட்டிகள் கொண்ட தொடரை 2-1 எனக் கைப்பற்றியது.

நியூசிலாந்து கடந்த 1969-ம் ஆண்டு பாகிஸ்தானில் டெஸ்ட் தொடரை கைப்பற்றியது. அதன்பின் தற்போது 49 ஆண்டுகள் கழித்து நியூசிலாந்து பாகிஸ்தானுக்கு எதிராக வெளிநாட்டு மண்ணில் தொடரை கைப்பற்றி சாதனைப்படைத்துள்ளது.

பாகிஸ்தான் - நியூசிலாந்து இடையிலான 3-வது மற்றும் கடைசி டெஸ்ட் அபு தாபியில் நடைபெற்று வருகிறது. நியூசிலாந்து முதல் இன்னிங்சில் 274 ரன்கள் சேர்த்தது. பின்னர் முதல் இன்னிங்சை தொடங்கிய பாகிஸ்தான் அசார் அலி (134), ஆசாத் ஷபிக் (104) ஆகியோரின் சதத்தால் 348 ரன்கள் குவித்தது.

74 ரன்கள் பின்தங்கிய நிலையில் நியூசிலாந்து 2-வது இன்னிங்சை தொடங்கியது. கேன் வில்லியம்சன், நிக்கோல்ஸ் ஆகியோர் அபாரமான ஆட்டத்தை வெளிப்படுத்தினார்கள். கேன் வில்லியம்சன் சிறப்பாக விளையாடி சதம் அடித்தார். நிக்கோல்ஸ் சதத்தை நெருங்கினார். நேற்றைய 4-வது நாள் ஆட்ட முடிவில் நியூசிலாந்து 272 ரன்கள் சேர்த்திருந்தது. கேன் வில்லியம்சன் 139 ரன்னுடனும், நிக்கோல்ஸ் 90 ரன்னுடனும் களத்தில் இருந்தனர்.

இன்று கடைசி நாள் ஆட்டம் தொடங்கியது. கேன் வில்லியம்சன் 139 ரன்னிலேயே ஆட்டமிழந்தார். நிக்கோல்ஸ் சிறப்பாக விளையாடி சதம் அடித்தார். இன்று 9 ஓவர்கள் விளையாடிய நியூசிலாந்து அணி 7 விக்கெட் இழப்பிற்கு 353 ரன்கள் எடுத்திருக்கும்போது 2-வது இன்னிங்சை டிக்ளேர் செய்தது. நிக்கோல்ஸ் 126 ரன்னுடன் களத்தில் இருந்தார்.


கேன் வில்லியம்சன் - நிக்கோல்ஸ்

ஒட்டுமொத்தமாக நியூசிலாந்து 279 ரன்கள் முன்னிலைப் பெற்றது. இதனால் பாகிஸ்தான் வெற்றிக்கு 280 ரன்கள் வெற்றி இலக்காக நிர்ணயித்தது. பாகிஸ்தான் சுமார் 81 ஓவர்கள் இன்று விளையாட வேண்டும். கடைசி நாளில் 81 ஓவரில் 280 ரன்கள் எடுப்பது எளிதான காரியம் அல்ல. அதேவேளையில் கடைசி வரை விக்கெட் இழக்காமல் இருந்தால் டிரா செய்யலாம்.

பாகிஸ்தான் இந்த போட்டியில் தோற்றால் நியூசிலாந்து 2-1 எனத் தொடரை கைப்பற்றிவிடும். இதனால் பாகிஸ்தான் குறைந்தபட்சம் போட்டியை டிரா செய்து தொடரை காப்பாற்றிக் கொள்ள வேண்டும் என்ற நோக்கத்தில் விளையாடி வருகிறது.

பாகிஸ்தான் - நியூசிலாந்து இடையிலான 3-வது மற்றும் கடைசி டெஸ்ட் அபு தாபியில் நடைபெற்று வருகிறது. இந்த போட்டியின் முதல் இன்னிங்சில் 3 விக்கெட்டுக்கள் வீழ்த்திய யாசிர் ஷா, 4-வது நாள் ஆட்ட முடிவில் 2-வது இன்னிங்சில் இரண்டு விக்கெட்டுக்கள் வீழ்த்தியுள்ளார்.



2-வது விக்கெட்டை வீழ்த்தும்போது டெஸ்ட் கிரிக்கெட்டில் 200 விக்கெட்டுக்களை பதிவு செய்தார். யாசிர் ஷா 33 போட்டியிலேயே 200 விக்கெட்டுக்களை கைப்பற்றியுள்ளார். இதன்மூலம் விரைவாக 200 விக்கெட்டுக்கள் வீழ்த்தி 82 வருட சாதனையை தகர்த்தெறிந்துள்ளார்.

இதற்கு முன் ஆஸ்திரேலியாவைச் சேர்ந்த சுழற்பந்து வீச்சாளரான கிரிம்மெட் 1936-ம் ஆண்டு 36 போட்டியில் 200 விக்கெட்டுக்கள் கைப்பற்றி சாதனைப்படைத்திருந்தார். தற்போது இந்த சாதனையை யாசிர் ஷா முறியடித்துள்ளார்.



இந்திய அணியின் அஸ்வின் 37 போட்டியில் கைப்பற்றி 3-வது இடத்தையும், 38 போட்டியில் கைப்பற்றி லில்லீ, வக்கார் யூனிஸ் 4-வது இடத்தையும் பிடித்துள்ளனர்.

பாகிஸ்தான் - நியூசிலாந்து இடையிலான 3-வது மற்றும் கடைசி டெஸ்ட் அபு தாபியில் நடைபெற்று வருகிறது. நியூசிலாந்து முதல் இன்னிங்சில் 274 ரன்கள் சேர்த்தது. பின்னர் முதல் இன்னிங்சை தொடங்கிய பாகிஸ்தான் அசார் அலி (134), ஆசாத் ஷபிக் (104) ஆகியோரின் சதத்தால் 348 ரன்கள் குவித்தது.

74 ரன்கள் பின்தங்கிய நிலையில் நியூசிலாந்து 2-வது இன்னிங்சை தொடங்கியது. ஒரு கட்டத்தில் 60 ரன்கள் எடுப்பதற்குள் நான்கு விக்கெட்டுக்களை இழந்தது. ஐந்தாவது விக்கெட்டுக்கு கேப்டன் வில்லியம்சன் உடன் நிக்கோல்ஸ் ஜோடி சேர்ந்தார். இந்த ஜோடி அபாரமான ஆட்டத்தை வெளிப்படுத்தியது.

கேன் வில்லியம்சன் சிறப்பாக விளையாடி சதம் அடித்தார். நிக்கோல்ஸ் சதத்தை நெருங்கினார். இன்றைய 4-வது நாள் ஆட்டம் முடியும் வரை இருவரும் மேலும் விக்கெட் விழாமல் பார்த்துக்கொண்டனர். கேன் வில்லியம்சன் 139 ரன்னுடனும், நிக்கோல்ஸ் 90 ரன்னுடனும் களத்தில் உள்ளனர். நியூசிலாந்து 104 ஓவர்கள் விளையாடி 272 ரன்கள் சேர்த்துள்ளது.



தற்போது வரை 198 ரன்கள் முன்னிலைப் பெற்றுள்ளது. நாளை கூடுதலாக 100 ரன்களுக்கு மேல் அடித்து 300 ரன்கள் முன்னிலைப் பெற்றால் நியூசிலாந்து போட்டியை டிரா செய்யும், அல்லது வெற்றி பெறும். சதம் அடித்த கேன் வில்லியம்சன் வெற்றி பெற்று தொடரை கைப்பற்றி விடலாம் என்று நினைத்திருந்த பாகிஸ்தான் கனவை தகர்த்துள்ளார்.

முதல் இரண்டு போட்டிகளிலும் இரு அணிகளும் தலா ஒரு வெற்றி பெற்றுள்ளது குறிப்பிடத்தக்கது.

பாகிஸ்தான் - நியூசிலாந்து அணிகளுக்கு இடையில் மூன்று போட்டிகள் கொண்ட டெஸ்ட் தொடர் நடைபெற்று வருகிறது. அபு தாபியில் நடைபெற்ற முதல் டெஸ்டில் நியூசிலாந்து வெற்றி பெற்றது. தபாயில் நடைபெற்ற 2-வது டெஸ்டில் பாகிஸ்தான் வெற்றி பெற்றது.

இந்நிலையில் தொடரை தீர்மானிக்கும் 3-வது மற்றும் கடைசி டெஸ்ட் துபாயில் நேற்று தொடங்கியது. டாஸ் வென்ற நியூசிலாந்து பேட்டிங் தேர்வு செய்தது.

ராவல், லாதம் ஆகியோர் தொடக்க வீரர்களாக களம் இறங்கினார்கள். லாதம் 4 ரன்கள் எடுத்த நிலையில் ஆட்டமிழந்தார். அடுத்து ராவல் உடன் கேப்டன் கேன் வில்லியம்சன் ஜோடி சேர்ந்தார். இந்த ஜோடி சிறப்பான ஆட்டத்தை வெளிப்படுத்தியது. ராவல் 45 ரன்கள் எடுத்தும், கேன் வில்லியம்சன் 89 ரன்கள் எடுத்தும் ஆட்டமிழந்தனர்.


ஐந்து விக்கெட் வீழ்த்திய பிலால் ஆசிப்

விக்கெட் கீப்பர் வாட்லிங் சிறப்பான ஆட்டத்தை வெளிப்படுத்த நியூசிலாந்து நேற்றைய முதல்நாள் ஆட்டத்தில் 7 விக்கெட் இழப்பிற்கு 229 ரன்கள் எடுத்திருந்தது. வாட்லிங் 42 ரன்னுடனும், சோமர்வில் 12 ரன்னுடனும் களத்தில் இருந்தனர்.

இன்று 2-வது நாள் ஆட்டம் தொடங்கியது. சோமர்வில் நேற்று எடுத்திருந்த 12 ரன்னிலேயே ஆட்டமிழந்தார். அடுத்து வந்த பட்டேல் 6 ரன்னிலும், போல்ட் 1 ரன்னிலும் ஆட்டமிழந்தனர். ஆனால் அரைசதம் அடித்த வாட்லிங் 77 ரன்கள் எடுத்து ஆட்டமிழக்காமல் இருக்க நியூசிலாந்து முதல் இன்னிங்சில் 116.1 ஓவர்கள் விளையாடி 274 ரன்னில் ஆல்அவுட் ஆனது.


பிலால் ஆசிப் பந்தில் சோமர்வில் க்ளீன் போல்டாகிய காட்சி

பாகிஸ்தான் அணி சார்பில் பிலால் ஆசிப் 5 விக்கெட்டும், யாசிர் ஷா 3 விக்கெட்டும் வீழ்த்தினார்கள். பின்னர் பாகிஸ்தான் முதல் இனிங்சை தொடங்கியது. 20 ஓவர் முடிவில் 2 விக்கெட் இழப்பிற்கு 63 ரன்கள் எடுத்து விளையாடி வருகிறது.

பாகிஸ்தான் - நியூசிலாந்து அணிகளுக்கு இடையில் மூன்று போட்டிகள் கொண்ட டெஸ்ட் தொடர் நடைபெற்று வருகிறது. ஏற்கனவே நடைபெற்று முடிந்துள்ள இரண்டு போட்டிகளில் இரு அணிகளும் தலா ஒரு வெற்றி பெற்று 1-1 என சமநிலையில் உள்ளது.

3-வது போட்டியில் வருகிற 3-ந்தேதி தொடங்குகிறது. பாகிஸ்தான் அணியின் முன்னணி வேகப்பந்து வீச்சாளராக முகமது அப்பாஸ் திகழ்ந்து வருகிறார். இவருக்கு தோள்பட்டையில் காயம் ஏற்பட்டுள்ளது. இதனால் மூன்று முதல் நான்கு வாரங்கள் ஓய்வு எடுக்க வேண்டியிருப்பதால் கடைசி டெஸ்டில் இருந்து விலகியுள்ளார். ஆனால் தென்ஆப்பிரிக்காவிற்கு எதிரான தொடரில் இடம்பெறுவார் என்று தெரிவிக்கப்பட்டுள்ளது.

முகமது அப்பாஸிற்குப் பதிலாக சமீப காலமாக ஒருநாள் மற்றும் டி20 போட்டியில் சிறப்பாக பந்து வீசும் இடது கை வேகப்பந்து வீச்சாளரான ஷாஹீன் அப்ரிடி டெஸ்ட் போட்டியில் அறிமுகமாவார் என்று எதிர்பார்க்கப்படுகிறது.

பாகிஸ்தான் - நியூசிலாந்து அணிகளுக்கு இடையில் மூன்று போட்டிகள் கொண்ட டெஸ்ட் தொடர் நடைபெற்று வருகிறது. அபு தாபியில் நடைபெற்ற முதல் டெஸ்டில் பரபரப்பாக ஆட்டத்தில் நியூசிலாந்து 4 ரன்கள் வித்தியாசத்தில் வெற்றியை பதிவு செய்தது.

துபாயில் நடைபெற்ற 2-வது டெஸ்டில் பாகிஸ்தான் இன்னிங்ஸ் மற்றும் 16 ரன்கள் வித்தியாசத்தில் அபார வெற்றி பெற்றது. சுழற்பந்து வீச்சாளர் யாசிர் ஷா 184 ரன்கள் விட்டுக்கொடுத்து 10 விக்கெட்டுக்கள் அள்ளினார்.



இரு அணிகளுக்கு இடையிலான 3-வது மற்றும் கடைசி டெஸ்ட் அபு தாபியில் வருகிற 3-ந்தேதி தொடங்குகிறது. இதற்கான பாகிஸ்தான் அணியில் மாற்றம் ஏதும் செய்யப்படவில்லை. இந்த டெஸ்டில் வெற்றி பெறும் அணி தொடரை கைப்பற்றும்.



3-வது போட்டிக்கான பாகிஸ்தான் அணியில் இடம்பிடித்துள்ள வீரர்கள் விவரம்:-

1. முகமது ஹபீஸ், 2. இமாம்-உல்-ஹக், 3. அசார் அலி, 4. அசாத் அலி, 5. ஹரிஸ் சோஹைல், 6. பாபர் ஆசம், 7. சாத் அலி, 8. சர்பிராஸ் அகமது, 9. யாசிர் ஷா, 10, பிலால் ஆசிப், 11. முகமது அப்பாஸ், 12. ஹசன் அலி, 13. பஹீம் அஷ்ரப், 14. ஷஹீன் அப்ரிடி, 15. மிர் ஹம்சா.

பாகிஸ்தான் - நியூசிலாந்து இடையிலான முதல் டெஸ்ட் அபு தாபியில் கடந்த 16-ந்தேதி தொடங்கியது. டாஸ் வென்று முதலில் பேட்டிங் செய்த நியூசிலாந்து 153 ரன்னில் சுருண்டது. பின்னர் முதல் இன்னிங்சை தொடங்கிய பாகிஸ்தான் 227 ரன்கள் சேர்த்தது.

74 ரன்கள் பின்தங்கிய நிலையில் நியூசிலாந்து 2-வது இன்னிங்சை தொடங்கியது. ஹசன் அலி, யாசிர் ஷா தலா ஐந்து விக்கெட்டுக்கள் வீழ்த்த நியூசிலாந்து 249 ரன்கள் சேர்த்து ஆல்அவுட் ஆனது.

இதனால் பாகிஸ்தானுக்கு 176 ரன்கள் வெற்றி இலக்காக நிர்ணயித்தது நியூசிலாந்து. நேற்றைய 3-வது நாள் ஆட்ட முடிவில் பாகிஸ்தான் விக்கெட் இழப்பின்றி 37 ரன்கள் எடுத்திருந்தது. இன்று நான்காவது நாள் ஆட்டம் தொடங்கியது. இன்று மேலும் 11 ரன்கள் எடுப்பதற்குள் மூன்று விக்கெட்டுக்களை இழந்தது பாகிஸ்தான்.


சோதி

4-வது விக்கெட்டுக்கு அசார் அலி உடன் அசாத் ஷபிக் ஜோடி சேர்ந்தார். இந்த ஜோடி அபாரமான ஆட்டத்தை வெளிப்படுத்தியது. பாகிஸ்தான் ஸ்கோர் 130 ரன்னாக இருக்கும்போது இந்த ஜோடி பிரிந்தது. அசாத் ஷபிக் 45 ரன்கள் எடுத்த நிலையில் ஆட்டமிழந்தார். அதன்பின் வந்த வீரர்கள் அடுத்தடுத்து வெளியேற 155 ரன்னிற்குள் 8 விக்கெட்டுக்களை இழந்தது பாகிஸ்தான்.

ஒருபக்கம் விக்கெட் வீழந்தாலும் மறுமுனையில் அசார் அலி அரைசதம் அடித்து வெற்றிக்காக போராடினார். வெற்றிக்கு 21 ரன்கள் தேவை என்ற நிலையில் 9-வது விக்கெட்டுக்கு வந்த ஹசன் அலி ரன்ஏதும் எடுக்காமல் ஆட்டமிழந்தார். அப்போது பாகிஸ்தான் 164 ரன்கள் எடுத்திருந்தது.


அசார் அலி - அசாத் ஷபிக்

வெற்றிக்கு 12 ரன்கள் தேவைப்பட்டது. கடைசி விக்கெட்டுக்க அசார் அலி உடன் முகமது அப்பாஸ் ஜோடி சேர்ந்தார். அப்பாஸை எதிர்முனையில் வைத்துக் கொண்டு அசார் அலி ஒவ்வொரு ரன்னாக எடுத்தார். 11 ஓவர்கள் தாக்குப்பிடித்து 7 ரன்கள் எடுத்தார் அசார் அலி. இறுதியில் 65 ரன்கள் எடுத்த நிலையில் பட்டேல் பந்தில் எல்பிடபிள்யூ ஆக பாகிஸ்தான் 171 ரன்னில் ஆல்அவுட் ஆனது.

இதனால் பரபரப்பாக சென்ற டெஸ்டில் நியூசிலாந்து 4 ரன்னில் அசத்தல் வெற்றி பெற்றது. பட்டேல் சிறப்பாக பந்து வீசி ஐந்துவிக்கெட்டுக்கள் கைப்பற்றினார்.

பாகிஸ்தான் - நியூசிலாந்து இடையிலான முதல் டெஸ்ட் அபுதாயில் இன்று தொடங்கியது. டாஸ் வென்ற நியூசிலாந்து பேட்டிங் தேர்வு செய்தது. ராவல், லாதம் தொடக்க வீரர்களாக களம் இறங்கினார்கள். ராவல் 7 ரன்னிலும், லாதம் 13 ரன்களும் எடுத்த நிலையில் ஆட்டமிழந்தனர்.


கேன் வில்லியம்சன்

அடுத்து வந்த கேப்டன் கேன் வில்லியம்சன் தாக்குப்பிடித்து விளையாடினார். ஆனால் மறுமுனையில் விக்கெட்டுக்கள் சரிந்து கொண்டே இருந்தது. கேன் வில்லியம்சன் 63 ரன்கள் எடுத்து ஆட்டமிழக்க நியூசிலாந்து முதல் இன்னிங்சில் 66.3 ஓவரில் 153 ரன்கள் எடுத்து ஆல்அவுட் ஆனது.


முகமது அப்பாஸ்

பாகிஸ்தான் சுழற்பந்து வீச்சாளர் யாசிர் ஷா 3 விக்கெட்டும் முகமது அப்பாஸ், ஹசன் அலி, ஹரிஸ் சோஹைல் ஆகியோர் தலா இரண்டு விக்கெட்டுக்கள் வீழ்த்தினார்கள்.

பாகிஸ்தான் - நியூசிலாந்து அணிகளுக்கு இடையிலான முதல் ஒருநாள் கிரிக்கெட் போட்டி அபு தாபியில் நடைபெற்று வருகிறது. நியூசிலாந்து டாஸ் வென்று பேட்டிங் தேர்வு செய்தது. ஜார்க் வொர்க்கர், கொலின் முன்றோ ஆகியோர் தொடக்க வீரர்களாக களம் இறங்கினார்கள். வொர்க்கர் 1 ரன்னிலும், கொலின் முன்றோ 29 ரன்னிலும் ஆட்டமிழந்தனர்.

அதன்பின் வந்த கேப்டன் கேன் வில்லியம்சன் 27 ரன்கள் எடுத்த நிலையில் சதாப் கான் பந்தில் வெளியேறினார். இதனால் நியூசிலாந்து 78 ரன்கள் எடுப்பதற்குள் 3 விக்கெட்டை இழந்தது. 4-வது விக்கெட்டுக்கு ராஸ் டெய்லர் உடன் விக்கெட் கீப்பர் டாம் லாதம் ஜோடி சேர்ந்தார். இந்த ஜோடி நியூசிலாந்தை சரிவில் இருந்து மீட்டது. இருவரும் அரைசதம் கடந்தனர்.

நியூசிலாந்து அணி 41.2 ஓவரில் 208 ரன்கள் எடுத்திருக்கும்போது இந்த ஜோடி பிரிந்தது. டாம் லாதம் 64 பந்தில் 68 ரன்கள் எடுத்திருந்த நிலையில் ஆட்டமிழந்தார். இதே ஓவரில் நிக்கோல்ஸ் (0), கொலின் டி கிராண்ட்ஹோம் (0) ஆகியோரை சதாப் கான் வீழ்த்தினார். அடுத்த ஒவரில் ராஸ் டெய்லர் 80 ரன்கள் எடுத்த நிலையில் ஆட்டமிழந்தார்.



இதனால் 4 விக்கெட் இழப்பிற்கு 208 ரன்கள் எடுத்திருந்த நியூசிலாந்து 210 ரன்கள் எடுப்பதற்குள் 7 விக்கெட்டுக்களை இழந்தது. அதன்பின் வந்த டிம் சவுத்தி (20), இஷ் சோதி (24) ரன்கள் அடிக்க நியூசிலாந்து 50 ஓவர்களில் 6 விக்கெட் இழப்பிற்கு 266 ரன்கள் குவித்தது. ஷஹீன் அப்ரிடீ, சதாப் கான் ஆகியோர் தலா நான்கு விக்கெட்டுக்கள் வீழ்த்தினார்கள்.

பின்னர் 267 ரன்கள் அடித்தால் வெற்றி என்ற இலக்குடன் பாகிஸ்தான் பேட்டிங் செய்து வருகிறது.

பாகிஸ்தான் - நியூசிலாந்து அணிகளுக்கு இடையிலான 3-வது மற்றும் கடைசி டி20 கிரிக்கெட் போட்டி துபாயில் நேற்று நடைபெற்றது. இந்த போட்டியில் முதலில் பேட்டிங் செய்த பாகிஸ்தான் 20 ஓவரில் 3 விக்கெட் இழப்பிற்கு 166 ரன்கள் குவித்தது. தொடக்க வீரர் பாபர் ஆசம் 58 பந்தில் 7 பவுண்டரி, 2 சிக்சருடன் 79 ரன்கள் குவித்தார்.

48 ரன்னைத்தொடும்போது டி20 போட்டியில் 26 இன்னிங்சில் 1000 ரன்னைத் தொட்டார். இதன்மூலம் அதிவேகமாக 1000 ரன்களை கடந்த வீரர் என்ற பெருமையை பெற்றார். இதற்கு முன் இந்திய அணி கேப்டன் விராட் கோலி 27 இன்னிங்சில் 1000 ரன்கள் அடித்திருந்தார். தற்போது பாபர் ஆசம் விராட் கோலி சாதனையை முறியடித்துள்ளார்.

பாபர் ஆசம் 26 போட்டியில் 26 இன்னிங்சிலும் பேட்டிங் செய்து 1031 ரன்கள் அடித்துள்ளார். சராசரி 54.26 ஆகும். 8 முறை அரைசதம் அடித்துள்ளார்.

62 டி20 போட்டியில் 58 இன்னிங்சில் பேட்டிங் செய்துள்ள விராட் கோலி 2102 ரன்கள் அடித்துள்ளார். சராசரி 48.88 ஆகும். 18 முறை அரைசதம் அடித்துள்ளார்.

பாகிஸ்தான் - ஆஸ்திரேலியா இடையிலான மூன்று போட்டிகள் கொண்ட டி20 கிரிக்கெட் தொடர் நடைபெற்றது. முதல் போட்டியில் 66 ரன்கள், 2-வது போட்டியில் 11 ரன்கள், 3-வது போட்டியில் 33 ரன்கள் வித்தியாசத்திலும் வெற்றி பெற்று பாகிஸ்தான் அணி ஆஸ்திரேலியாவை  3-0 என ஒயிட் வாஷ் செய்தது. ஆஸ்திரேலியாவிற்கு எதிரான டெஸ்ட் தொடரையும், டி20 தொடரையும் பாகிஸ்தான் வென்றது.

பாகிஸ்தான் - ஆஸ்திரேலியா இடையிலான தொடரை முடிந்துள்ள நிலையில் வருகின்ற 31-ந்தேதி முதல் பாகிஸ்தான் - நியூசிலாந்து இடையிலான மூன்று வகை கிரிக்கெட் தொடர் தொடங்குகிறது.

முதலில் மூன்று போட்டிகள் கொண்ட டி20 கிரிக்கெட் தொடர் நடக்கிறது. இதற்கான பாகிஸ்தான் அணி அறிவிக்கப்பட்டுள்ளது. ஆஸ்திரேலியாவிற்கு எதிராக சிறப்பான ஆட்டத்தை வெளிப்படுத்தியதால் அணியில் மாற்றம் ஏதும் செய்யவில்லை.



நியூசிலாந்து டி20 தொடருக்கான பாகிஸ்தான் அணியில் இடம்பிடித்துள்ள வீரர்கள் விவரம்:-

1. பகர் சமான், 2. முகமது ஹபீஸ், 3. சஹிப்சடா ஃபர்ஹான், 4. பாபர் ஆசம், 5. சோயிப் மாலிக், 6. ஆசிப் அலி, 7. ஹூசைன் டல்லாட், 8. சர்பிராஸ் அஹமது, 9. ஷதாப் கான், 10. ஷஹீன் ஷா அப்ரிடி, 11. உஸ்மான் கான் ஷன்வாரி, 12. ஹசன் அலி, 13. இமாத் வாசிம், 14. வாகாஸ் மெக்சூட், 15. பஹீம் அஷ்ரப்.

முதல் டி20 போட்டி அபுதாபியில் 31-ந்தேதியும், 2-வது போட்டி நவம்பரில் துபாயிலும், 3-வது போட்டி நவம்பர் 4-ந்தேதி துபாயிலும் நடக்கிறது. அதன்பின் நவம்பர் 7-ந்தேதி ஒருநாள் கிரிக்கெட் தொடர் தொடங்குகிறது.